The news is by your side.

Advertisement

براڈ شیٹ کے معاملے کو نہیں چھوڑا جائے گا ، مکمل انکوائری ہوگی، وزیراعظم

اسلام آباد : وزیراعظم عمران خان نے کہا کہ براڈ شیٹ کا معاملہ سنجیدہ ہے، براڈ شیٹ کے معاملے کو نہیں چھوڑا جائیگا ،مکمل انکوائری ہوگی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس ہوا ، جس میں 17نکاتی ایجنڈے سمیت ملکی سیاسی، معاشی اور اقتصادی صورتحال سمیت براڈ شیٹ کیس میں پیش رفت کا جائزہ لیا گیا۔

وفاقی کابینہ نےبراڈ شیٹ تحقیقات کے لیے انکوائری کمیشن کی منظوری دے دی ، ذرائع کا کہنا ہے کہ انکوائری کمیشن کی سربراہی جسٹس عظمت سعید شیخ ہی کریں گے ، انکوائری کمیشن براڈ شیٹ کے معاملے کی جامع تحقیقات کرےگا۔

ذرائع کے مطابق کمیشن اہم لوگوں کے وہ کیس بھی کھولے گا، جنھیں مصلحتاًبندکردیاگیاتھا، راؤسکندر اقبال ، آفتاب احمدشیر پاؤ جیسے بڑے ناموں کے کیس پھر کھولے جائیں گے۔

ذرائع کا کہنا ہے کہ انکوائری کمیشن اور کمیشن آف انکوائری ایکٹ2017 کے تحت تشکیل دیا جائے گا، کمیشن براڈشیٹ کےساتھ سرےمحل کی بھی انکوائری کرے گا اور وزیراعظم عمران خان کو رپورٹ پیش کرےگا۔

اس موقع پر وزیراعظم عمران خان نے کہا کہ کرپشن پر کسی قسم کا سمجھوتہ نہیں ہوگا، کرپشن کرنےوالوں کوبےنقاب کیاجائےگا، براڈ شیٹ کے معاملے کو نہیں چھوڑا جائیگا، براڈ شیٹ کا معاملہ سنجیدہ ہے ،مکمل انکوائری ہوگی۔

Comments

یہ بھی پڑھیں