وفاقی وزیر تعلیم ڈاکٹر خالد مقبول صدیقی نے کراچی کے طلباء کے لیے بڑا اعلان کر دیا۔
اپنے اعلان میں انہوں نے کہا کہ کراچی میں تین اعلی تعلیمی اداروں کے قیام کا فیصلہ کیا گیا ہے۔ نیشنل یونیورسٹی آف سائنسز اینڈ ٹیکنالوجی (نسٹ)، نیشنل یونیورسٹی آف ٹیکنالوجی (NUTECH) اور کامسیٹس یونیورسٹی کا کراچی میں نئے کیمپسز کا قیام کیا جائے گا۔
وفاقی وزیر نے کہا کہ ایم کیو ایم شہری سندھ کے نوجوانوں کو اعلی تعلیم کے مزید مواقع فراہم کرنے کے لئے کوشاں ہے، شہر قائد کی عوام کے لئے ایک تاریخی کام کیا گیا ہے یہ اقدام شہر کے طلبہ کے لئے معیاری تعلیم کو بڑھانے کے ایم کیو ایم کے وژن کی تکمیل ہے۔
ان کا کہنا تھا کہ ایم کیو ایم شہری سندھ کے نوجوانوں کے لئے ترقی کے مواقع فراہم کرتی ہوئی آئی ہے ان یونیورسٹی کیمپسز کا کراچی میں قیام شہر کے طلبا و طالبات کے لئے ترقی کی نئی راہیں کھولے گا کراچی کے طلبہ بین الاقوامی مارکیٹ میں اپنے علم اور ہنر کا لوہا منوا کر ملکی ترقی و خوشحالی میں اپنا کردار ادا کر سکیں۔
