The news is by your side.

Advertisement

نیا آئی جی سندھ کون ہوگا؟ وفاق نے عمران احمر کا نام تجویز کردیا

اسلام آباد : وفاقی حکومت نے آئی جی سندھ کے لیے عمران احمر کا نام تجویز کردیا، گورنر سندھ وزیراعلیٰ سے ملاقات کرکے نام پر مشاورت کریں گے۔

تفصیلات کے مطابق آئی جی سندھ تعیناتی کا معاملہ حل نہ ہوسکا، وفاق نے آئی جی سندھ کے لیے عمران احمر کا نام تجویز کردیا ہے، ذرائع نے بتایا گورنر سندھ عمران اسماعیل وزیراعلیٰ مراد علی شاہ سے ملاقات کرکے عمران احمر کے نام پر مشاورت کریں گے۔

ذرائع کا کہنا تھا کہ وفاقی کابینہ نے مشتاق مہر، غلام قادر تھیبو اور کامران فضل کے ناموں پر اعتراض کیے تھے، گورنر و وزیراعلی سندھ کے مکمل اتفاق کے بعد ہی نیا آئی جی سندھ تعینات ہوگا۔

مزید پڑھیں : سندھ حکومت کی مشاورت کے بغیر آئی جی تعینات نہیں کیا جاسکتا، سعید غنی

دوسری جانب وزیراطلاعات سندھ سعیدغنی کا کہنا ہے کہ سندھ حکومت کی مشاورت کے بغیر آئی جی تعینات نہیں کیاجاسکتا،وزیراعظم نے دوناموں پر اتفاق کیا تھا انھی میں سے آئی جی ہوناچاہیے ، ہم نے جو پانچ نام دیئے ہیں انھیں میں سےکسی کو آئی جی ہوناچاہیے، وفاق کوئی اپنا نام دے گا تو یہ سندھ کیساتھ زیادتی ہوگی۔

گذشتہ روز وفاقی کابینہ کے اجلاس میں آئی جی سندھ کی تبدیلی پر اتحادیوں کی مخالفت کے باعث معاملہ موخرکردیا گیا تھا اور اراکین کے اعتراض پر گورنر وزیراعلیٰ سندھ سے مزیدمشاورت کافیصلہ کیا گیا تھا۔

بعد ازاں وزیراعظم عمران خان نے وزیراعلیٰ سندھ مراد علی شاہ سے ٹیلیفونک رابطہ کرکے وفاقی کابینہ میں آئی جی سے متعلق مشاورت سےآگاہ کیا، جس پر وزیراعلیٰ سندھ کا کہنا تھا کہ جونام دئیےان میں سےکسی ایک کوآئی جی بنایاجائے، آئی جی سندھ کےلیےمزیدنام نہیں دیں گے۔

fb-share-icon0
Tweet 20

Comments

comments

یہ بھی پڑھیں