اسلام آباد : وفاقی حکومت کا سرکاری دفاتر کے اوقات کار معمول پر لانے کا فیصلہ کرلیا ہے ، عیدالاضحیٰ کے بعد سرکاری دفاترکےاوقات کارصبح 9تا شام 5بجےہوں گے۔
تفصیلات کے مطابق کورونا صورتحال میں نمایاں بہتری کے بعد وفاقی حکومت کا سرکاری دفاتر کے اوقات کار معمول پر لانے کا فیصلہ کرلیا ہے۔
عیدالاضحیٰ کے بعد سرکاری دفاترکےاوقات کارصبح 9تا شام 5بجےہوں گے ، اس حوالے سے اسٹیبلشمنٹ ڈویژن سےسرکاری دفاتر کے اوقات کار کانوٹی فکیشن جاری کردیا گیا ہے۔
یاد رہے چند روز قبل کرونا وائرس کے پیشِ نظر وفاقی حکومت نے سرکاری دفاتر کے موجودہ اوقات کار میں جمعہ 31 جولائی تک تو سیع کر دی تھی۔
نوٹیفکیشن کے مطابق دفاتر سوموار تا جمعرات 6 گھنٹے کھلیں گے، اوقات کار سوموار تا جمعرات صبح 10 تا 4 بجے شام ہوں گے جبکہ جمعتہ المبارک کے اوقات کار صبح 10 تا ایک بجے دوپہر ہیں۔
