اسلام آباد : وفاقی حکومت نے ٹیکس چھوٹ ختم کرنے کی تجویز دے دی، آئی ایف ایم نے پاکستان سے اگلے بجٹ میں ٹیکس رعایتیں ختم کرنے کی ہدایت کی۔

تفصیلات کے مطابق وفاقی حکومت نے آئندہ مالی سال سابق فاٹا کیلئے جاری ٹیکس چھوٹ ختم کرنے کی تجویز دے دی۔

فاٹا اور پاٹا پرٹیکس چھوٹ ختم کرنے سے وفاقی حکومت کو 100 ارب سالانہ ریونیو ملنے کا امکان ہے۔

ذرائع نے بتایا کہ ایف بی آرنے اگلے مالی سال بجٹ کیلئے ابتدائی تجاویز تیار کر لیں،چیئرمین ایف بی آرنےگزشتہ روز وزیر خزانہ کو ٹیکس تجاویز پر بریفنگ بھی دی۔

حکومت مختلف شعبوں کو 1200 ارب روپے کی ٹیکس رعایتیں دے رہی ہے،آئی ایف ایم نے پاکستان سے اگلے بجٹ میں ٹیکس رعایتیں ختم کرنے کی ہدایت کی۔

سابق فاٹا کیلئےمشینری کی درآمدپرسیل ٹیکس کی 30 جون 2024 تک چھوٹ دی گئی تھی، فاٹا،پاٹا میں انکم ٹیکس پر بھی استثنیٰ 30 جون 2024 تک برقرار ہے۔