20.7 C
Ashburn
جمعرات, مئی 23, 2024
اشتہار

کیا حکومت عوام پر پٹرول بم گرانے والی ہے؟ وفاقی وزیر کا بیان آگیا

اشتہار

حیرت انگیز

وفاقی وزیر صحت عبدالقادر پٹیل اپنے عہدے کا حلف اٹھانے کے بعد قومی اسمبلی پہنچ گئے اس موقع پر انہوں نے میڈیا سے گفتگو کرتے ہوئے کہا کہ پٹرولیم مصنوعات کی قیمت میں اضافہ ناگزیر ہے۔

اے آر وائی نیوز کے مطابق وزیراعظم شہباز شریف کی کابینہ میں وزیر صحت کا عہدہ پانے والے عبدالقادر پٹیل اپنے عہدے کا حلف اٹھانے کے بعد قومی اسمبلی پہنچ گئے۔

اس موقع پر میڈیا سے مختصر گفتگو کرتے ہوئے وفاقی وزیر صحت عبدالقادر پٹیل نے کہا کہ پٹرولیم مصنوعات کی قیمتوں میں اضافہ ناگزیر ہے، کوشش ہوگی کہ عوام کم متاثر ہوں اور ایسا لائحہ عمل بنائیں کہ عوام کو مشکلات کا سامنا نہ کرنا پڑے۔

- Advertisement -

عبدالقادر پٹیل نے مزید کہا کہ ہماری کوشش ہوگی کہ دواؤں کی قیمتوں میں اضافے کو بھی کنٹرول کیا جائے۔

واضح رہے کہ شہباز شریف کے وزیراعظم بننے کے بعد ن لیگ کے رہنما مفتاح اسماعیل بھی پٹرولیم مصنوعات کی قیمتوں کے حوالے سے اظہار خیال کرچکے ہیں۔

مفتاح اسماعیل نے سماجی رابطوں کی ویب سائٹ ٹوئٹر پر ٹوئٹ کرتے ہوئے سابق وزیراعظم عمران خان پر تنقید کی تھی اور کہا تھا کہ پٹرول کی قیمت منجمد کرنا عمران خان کا تباہ کن فیصلہ تھا۔

مزید پڑھیں: ‘پٹرول کی قیمت منجمد کرنا عمران خان کا تباہ کن فیصلہ تھا’

واضح رہے کہ سابق وزیراعظم عمران خان نے گزشتہ فروری میں پٹرول اور ڈیزل کی قیمتوں میں 10 روپے فی لیٹر اور بجلی کی قیمتوں میں 5 روپے فی یونٹ کمی کا اعلان کیا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں