The news is by your side.

Advertisement

حادثاتی چیئرمین نے جمہوریت دیکھی نہ آمریت کا علم ہے، مراد سعید کا ردعمل

اسلام آباد: وفاقی وزیر برائے مواصلات مراد سعید نے کہا ہے کہ حادثاتی چیئرمین نے جمہوریت دیکھی نہ آمریت کا علم ہے، بلاول بھٹو نے جمہوریت کی تعریف والد سے سیکھی ہے۔

تفصیلات کے مطابق وفاقی وزیر مراد سعید نے بلاول بھٹو کی گفتگو پر ردعمل دیتے ہوئے کہا کہ ان کے والد کی جمہوریت لوٹ مار سے شروع ہوکر کرپشن پر ختم ہوتی ہے، آمریت سامنے آئے تو پرچی چیئرمین کی جماعت این آر او ڈھونڈتی ہے۔

مراد سعید نے کہا کہ اب گڑھی خدا بخش کی نہیں حقیقی جمہوریت کا آغاز ہوچکا ہے، جمہوریت عوام کو لوٹنے کا نہیں، عوام کو اقتدارمیں شریک کرنے کا نام ہے۔

انہوں نے کہا کہ اب جمہوریت چوروں کو این آر او دینے کا نہیں بے لاگ احتساب کا نام ہے، جمہوریت پاناما، جعلی اکاؤنٹس جیسی وارداتیں نہیں بلکہ خوشحالی کی راہ ہموار کرے گی۔

مزید پڑھیں: پوری پارٹی کو جیل بھیج دیں، مگر پارلیمنٹ کی آزادی پر اپنا مؤقف نہیں بدلیں گے: بلاول بھٹو زرداری

وفاقی وزیر نے کہا کہ اب جمہوریت والد اور پھوپھی کی چوری بچانے کے لیے ڈھال نہیں بنے گی، جمہوریت قوم کی لوٹی گئی دولت کی وطن واپسی کا ذریعہ بنے گی۔

مراد سعید نے کہا کہ باپ کو این آر او ملے گا نہ بیٹے کی پاناما کوئین سے مل کر سازش چلے گی، عوام باشعور، جمہوریت توانا، حکومت قانون کے نفاذ کے لیے متحرک ہے۔

انہوں نے کہا کہ عوام سے مشکلات کا بوجھ بھی اترے گا، انشا اللہ ملک بھی آگے بڑھے گا۔

واضح رہے کہ چیئرمین پیپلزپارٹی بلاول بھٹو کا کہنا تھا کہ پورے خاندان پوری پارٹی کو جیل بھیجنا ہے تو بھیج دیں، آزادی اظہار رائے اور پارلیمنٹ کی آزادی پر اپنا موقف نہیں بدلیں گے۔

Comments

comments

یہ بھی پڑھیں