کراچی: وفاقی وزیر پورٹ اینڈ شپنگ قیصر احمد شیخ نے شپنگ کمپنیوں کو ریگولیٹ کرنے کا اعلان کر دیا۔
کراچی میں گفتگو کرتے ہوئے انہوں نے کہا کہ شپنگ کمپنیوں کو ریگولیٹ کرنے کا فیصلہ کیا گیا ہے بزنس کمیونٹی کو شپنگ لائنز کے رحم و کرم پر نہیں چھوڑا جا سکتا۔
وفاقی وزیر پورٹ اینڈ شپنگ نے کہا کہ سری لنکا میں 8 ماہ تک پھنسے جہاز کے بارے میں لاعلم رکھا گیا اس متعلق تحقیقات کر کے ذمہ داروں کیخلاف کارروائی کی جائےگی۔
ان کا کہنا تھا کہ میری خواہش تھی کہ مجھے وزیرخزانہ بنایا جائے تاہم موجودہ وزیرخزانہ کیلئے نیک خواہشات کا اظہار کرتا ہوں۔
کراچی چیمبر آف کامرس اینڈ انڈسٹریز کی تقریب سے خطاب کرتے ہوئے ان کا کہنا تھا کہ کراچی بزنس کا حب ہے پورٹ ریگولیٹری اتھارٹی کا نہ ہونا قابل افسوس ہے ہم غلطیوں سے سیکھنے کی کوشش کر رہے ہیں دنیا میں ہم اپنا معیار نہیں بنا پا رہے۔
وفاقی وزیر نے کہا کہ بہت جلد تمام پورٹس کا دورہ کروں گا، کے پی ٹی بورڈ میں کراچی چیمبر اور پی این ایس سیں کو نمائندگی دیں گے آئندہ ایک ماہ میں کے پی ٹی بورڈ کی تنظیم نو ہو جائے گی۔
