اسلام آباد : وفاقی پارلیمانی سیکرٹری صحت ڈاکٹرنوشین حامد کا کہنا ہے کہ کورونا ویکسین کیلئے سائینوفارم کا انتخاب ہوگیا ہے ، کورونا ویکسین فروری کے اختتام یا مارچ کےاوائل میں آئے گی۔
تفصیلات کے مطابق وفاقی پارلیمانی سیکرٹری صحت ڈاکٹرنوشین حامد نے میڈیا سے گفتگو کرتے ہوئے کہا 4عالمی ویکسین سازکمپنیز کے ساتھ رابطے جاری ہیں، کورونا ویکسین سے متعلق مذاکرات حتمی مراحل میں ہیں۔
ڈاکٹرنوشین حامد کا کہنا تھا کہ کوروناویکسین کیلئےسائینوفارم کاانتخاب ہوگیاہے، سائینوفارم سے ویکسین کی ایڈوانس بکنگ کرنے جارہے ہیں، کورونا ویکسین فروری کے اختتام یا مارچ کےاوائل میں آئے گی۔
وفاقی پارلیمانی سیکرٹری صحت نے کہا کہ 3 لاکھ سے زائد ہیلتھ ورکرز کی رجسٹریشن ہوچکی ہے، آئندہ ماہ سے کورونا ویکسینیشن شرو ع ہونے کا امید ہے جبکہ سپر کوروناوائرس کوروکنے کیلئے سخت اقدامات کئے ہیں۔
ان کا کہنا تھا کہ حکومت پمزاسپتال کےاحتجاجی ملازمین سےرابطےمیں ہے، پمز کے احتجاجی ملازمین کی غلط فہمیاں دورکریں گے۔
