کراچی : پاکستان شوبز کے نامور اداکار فیروز خان بھی شاعری کے دلدادہ نکلے، سوشل میڈیا پر پوسٹ کیے گئے ایک غمگین شعر پر مداحوں نے انہیں دل کھول کر داد دی۔
پاکستان کے معروف فلم و ڈرامہ انڈسٹری کے اداکار فیروز خان کی جانب سے سوشل میڈیا پر ایک غمگین شعر لکھا گیا ہے جسے پڑھنے کے بعد مداح داد دینے پر مجبور ہو گئے ہیں۔
ٹی وی ڈرامہ ’خدا اور محبت‘ کے تیسرے سیکوئل میں اپنی جاندار اداکاری سے شائقین کو رلانے والے اداکار فیروز خان آج کل نئے پروجیکٹس پر کام کرنے میں کافی مصروف ہیں۔
فیروزخان اتنی مصروفیت کے باوجود بھی اپنے مداحوں سے رابطہ رکھنا نہیں بھولتے اور ہر دن نئی پوسٹ کے ذریعے مداحوں کو ٹریٹ دیتے نظر آتے ہیں۔
فیروزخان کی جانب سے اپنی نئی پوسٹ میں ایک غمگین، دل کو چھو لینے والا شعر لکھا گیا ہے۔ فیروز خان نے لکھا کہ،
درد اتنا ہے کے ہر رگ میں ہے محشر برپا،
اور سکوں ایسا کہ مر جانے کو جی چاہتا ہے۔
فیروز خان کےاس شعر کے ساتھ پوسٹ کی گئی تصویر بھی کافی اداس اور اُن کی آنکھیں بھی غمگین نظر آ رہی ہیں۔
فیروز خان کے مداحوں کی جانب سے اُن کی اس پوسٹ پر داد دینے کا سلسلہ جاری ہے جبکہ اُن کے چند مداح اُن کے شعر کے بدلے میں شعر و شاعری سے بھی جواب دے رہے ہیں۔
