The news is by your side.

Advertisement

یواےای؛ پلاسٹک کے تھیلے استعمال کرنے والے خبردار!

دبئی: پلاسٹک کے تھیلے استعمال کرنے والے ہو جائیں خبردار کیوں کہ اب اس کے استعمال پر فیس ادا کرنا ہوگی۔

نیوز ایجنسی وام کے مطابق دبئی میں موحولیاتی آلودگی کو کم کرنے اور آب و ہوا کو صاف رکھنے کے لیے پلاسٹک کے تھیلے کے استعمال پر فیس عائد کرنے کا فیصلہ کرلیا گیا ہے۔

فیصلے پر عمل درآمد یکم جولائی سے ہوگا اور یہ دو سال تک نافذ رہے گا۔ دو سال کے دوران فیصلے کے مختلف پہلوؤں کا جائزہ لیا جاتا رہے گا۔

دبئی کی ایگزیکٹیو کونسل نے اس کی منظوری دے دی ہے، پلاسٹک کے تھیلے استعمال کرنے والوں کو 25 فلس ادا کرنے ہوں گے۔

یہ فیصلہ امارات کے تمام اسٹورز کے علاوہ آن لائن اور ای کامرس کے ذریعے بھیجی جانے والی مصنوعات پر بھی نافذ ہوگا۔

اس اقدام کا مقصد پلاسٹک کے زیادہ استعمال کی حوصلہ شکنی اور ماحول کو بہتر بنانے کے ساتھ ساتھ رہائشیوں کے معیار زندگی کو بھی بلند کرنا ہے۔

علاوہ ازیں دبئی کی حکومت ایسے کئی منصوبوں میں بھی سرمایہ کاری کر رہی ہے جن کا مقصد کوڑا کرکٹ کو وسائل میں تبدیل کرنا ہے۔

Comments

یہ بھی پڑھیں