کراچی: شہری سے رشوت لینے والی خاتون پولیس اہلکار کو معطل کر کے شوکاز نوٹس جاری کردیا گیا۔
پولیس حکام نے خاتون اہلکار کی رشوت وصولی کی اے آر وائی نیوز کی خبر پر ایکشن لے لیا، خاتون پولیس اہلکار کو معطل کر کےسعودآباد ہیڈکوارٹرز منتقل کر دیا گیا۔
ایس ایس پی کورنگی نے شوکاز نوٹس کے احکامات جاری کرتے ہوئے انکوائری کی ہدایت کردی جب کہ ایس ایچ او کورنگی وہیڈ محرر کورنگی کو کمزور سپرویژن پر شوکاز نوٹس جاری کر دی گئے۔
واقعے کی انکوائری ڈی ایس پی الفلاح ڈویژن علی رضا کے سپرد کی گئی ہے اور 7 دن میں انکوائری مکمل کرنے کے احکامات جاری کیے گئے ہیں۔
واضح رہے کہ اے آر وائی نیوز نے ویڈیو کے ساتھ خبر نشر کی تھی کہ خاتون پولیس اہلکار ایک ریڑھی والے سے رشوت وصول کر رہی ہے۔
خبر نشر ہونے کے بعد پولیس حکام نے فوری طور پر کارروائی کرتے ہوئے مذکورہ خاتون اہلکار کو معطل کر دیا۔
