تازہ ترین

سعودی عرب، باہمت طالبہ نے 55 طالبات کی جان بچا لی

ریاض : باہمت طالبہ نے ڈرائیور کے سو جانے پر بے قابو بس کوکنٹرول کر کے ہولناک حادثے سے بچاتے ہوئے بس میں سوار 55 طالبات کی زندگی بچا لی ہے۔

بین الاقوامی خبر رساں ایجنسی کے مطابق یہ واقعہ اس وقت پیش آیا جب 55 طالبات سے بھری بس کا ڈرائیور بس چلانے کے دوران سو گیا اور بس سڑک سے اتر کر ایک اسٹور سے ٹکرانے والی ہی تھی کہ سکینڈری اسکول کی تیسرے سال کی طالبہ نے حاضر دماغی دکھاتے ہوئے بس کا کنٹرول سنبھال لیا اور بس کو ہولناک حادثے سے بچا لیا۔

بس کو ہولناک حادثات سے محفوظ رکھنے والی طالبہ نے بتایا کہ ڈرائیور بس چلانے کے دوران سو گیا تھا جس کی وجہ سے بس سڑک سے اتر کر قریبی الیکٹر ک روم کی طرف جانے لگی تھی اسی وقت میں نے بس کا کنٹرول حاصل کرلیا اور ریورس کر کے بجلی کے کھمبے کے ساتھ ٹکرا کر رک دی۔

بہادری کا مظاہرہ کرنے پر مکہ مکرمہ کے محکمہ تعلیم کی جانب سے فاطمہ اور اس کی ساتھی طالبہ کو بس حادثے سے بچانے کے اقدام پر اعزازی سرٹیفکیٹ دیا گیا۔

طالبات کے والدین نے محکمہ تعلیم سے تمام ڈرائیورز کی مہارت اور وقتآ فوقتآ طبی معائنہ کراتے رہنے کا مطالبہ کرتے ہو ئے آئندہ ان حادثات سے بچنے کے لیے ضروری اقدامات اُٹھانے کی ضرورت پر ذور دیا۔

Comments

- Advertisement -