تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

سعودی عرب: آن لائن ٹیکسی کمپنی کی خواتین کے لیے خصوصی سروس

ریاض: سعودی عرب میں آن لائن ٹیکسی کمپنی نے خواتین کے لیے خصوصی سروس متعارت کرادی، اب خواتین ڈرائیورز بھی ٹیکسی چلائیں گی۔

تفصیلات کے مطابق سعودی عرب میں آن لائن ٹیکسی سروس نے خواتین ڈرائیوروں کے لیے اپنے ایپلیکیشن میں ”نئے آپشن خواتین کے لیے “ کا اضافہ کر دیا۔

عرب میڈیا کا کہنا ہے کہ وہ خواتین مسافر جو مرد ڈرائیوروں کے ساتھ سفر نہیں کرنا پسند نہیں کرتیں انہیں اس سروس سے آسانی ہوگی جہاں انہیں خواتین ڈروائیورز مسیر ہوں گی۔

سعودی ٹی وی سے گفتگو کرتے ہوئے کمپنی کے ڈائریکٹر جنرل برائے مشرقی وسطی اور شمالی افریقہ عبداللطیف نے بتایا کہ ایپلیکیشن میں نئے آپشن ” خواتین کے لیے “ شروع کرنے سے جہاں ان مسافر خواتین کو سہولت ہوگی جو مردوں کے ساتھ سفر کرنا نہیں چا ہتیں وہاں سعودی عرب میں روزگار کی متلاشی خواتین کے لیے بھی بہتر مواقع سامنے آئیں گے۔

اس سے قبل خواتین کے لیے ٹیکسی سروس تجرباتی طور پر انتہائی محدود پیمانے پر شروع کی گئی تھی جس کی کامیابی کے بعد اسے مستقل اور مملکت کی سطح پر عام کرنے کا فیصلہ کیا ہے تاکہ زیادہ سے زیادہ خواتین اس سروس سے مستفید ہوں۔

خیال رہے کہ وژن 2025 کے تحت سعودی ولی عہد محمد بن سلمان کی جانب سے بڑے اقدامات کیے جارہے ہیں ،جس کے باعث دھیرے دھیرے ایک روشن خیال سعودی عرب کا تاثر اجاگر ہو رہا ہے۔

سعودی عرب میں مثبت تبدیلی آرہی ہے، شہزادی ریما بندر السعود

سال 2016 کے وسط میں سعودی حکومت نے وژن 2030 کے تحت خواتین کو ڈرائیونگ کی اجازت دینے کے اہم فیصلے کے بعد طالبات کو یونیورسٹیوں میں موبائل فون استعمال کرنے کی اجازت بھی دی جبکہ حکومت نے روشن خیالی کی سمت ایک اور قدم آگے بڑھاتے ہوئے سرکاری چینل پر عرب لیجنڈ گلوکارہ ام کلثوم کا میوزک کنسرٹ نشر کیا تھا۔

Comments

- Advertisement -