مکہ مکرمہ عمرے کی سعادت حاصل کرنے کے لیے آنے والی سوڈانی زائر خاتون کے ہاں مسجد الحرام کے صحن میں بچے کی ولادت ہوئی ہے۔
عرب میڈیا کے مطابق مسجد الحرام کے مغربی صحن میں موجود سوڈانی خاتون نے نئی زندگی کو جنم دیا ہے۔
اخبار نے ہلال احمر کے ترجمان کے حوالے سے رپورٹ کیا ہے کہ آپریشن روم کو اطلاع ملی تھی کہ ایک زائر خاتون التوحید ہوٹل کے برابر میں مسجد الحرام کے مغربی صحن میں شدید درد میں مبتلا ہیں۔
میڈیکل ٹیم اطلاع پر فوری طور پر وہاں پہنچی تو پتہ چلا کہ زائر خاتون کے ہاں ولادت قریب ہے جس کے بعد ٹیم نے طبی امداد فراہم کی اور بچے کی وہیں ولادت ہوئی۔
ہلال احمر کا کہنا ہے کہ ولادت کے بعد ماں اور نومولد کو اجیاد جنرل اسپتال منتقل کر دیا گیا ہے جہاں دونوں کی حالت تسلی بخش بتائی جاتی ہے۔
