شوبز انڈسٹری کے معروف اداکار فیروز خان نے مداحوں کو ڈراموں سے سبق سیکھنے کا مشورہ دے دیا۔
سماجی رابطے کی ویب سائٹ ایکس (ٹوئٹر) پر فیروز خان نے معنی خیز پوسٹ شیئر کی اور بتایا کہ انہوں نے ڈراموں سے کیا سیکھا ہے۔
فیروز خان ے لکھا کہ میری خواہش ہے کہ لوگ ڈراموں سے بہترین سبق سیکھیں جیسا کہ میں اب سیکھ رہا ہوں۔
اداکار نے مزید لکھا کہ ’جارحیت اور غصے کی بجائے دوسروں کا احساس کریں، تشدد نہیں بلکہ معاف کرنا سیکھیں، جزاک اللہ۔‘
– I wish for people to learn the best lessons out of the dramas I do now ; not the aggression but the realisation not the violence but the forgiveness.
JazakAllah.— Feroze Khan (@ferozekhaan) November 29, 2023
واضح رہے کہ چند ماہ قبل فیروز خان اور علیزا سلطان میں علیحدگی ہوگئی تھی۔
فیروز خان کی شادی 2018 میں علیزا سلطان سے ہوئی تھی ، اداکار کے ہاں پہلے بچے کی پیدائش 2019 جب کہ بیٹی کی پیدائش 2022 میں ہوئی تھی۔
واضح رہے کہ فیروز خان اے آر وائی ڈیجیٹل کے ڈرامہ سیریل ’عشقیہ‘ اور ’حبس‘ میں اداکاری کے جوہر دکھا چکے ہیں جسے مداحوں کی جانب سے خوب سراہا گیا تھا۔
