شوبز انڈسٹری کے معروف اداکارہ فیروز خان نے دوسری شادی کرلی۔
فوٹو اور ویڈیو شیئرنگ ایپ انسٹاگرام پر اداکار فیروز خان نے تصویر شیئر کی جس میں انہیں گولڈن رنگ کی شلوار قمیض میں دیکھا جاسکتا ہے اس موقع پر دلہن نے گلابی رنگ کا عروسی لباس زیب تن کیا ہوا ہے۔
فیروز خان نے تصویر شیئر کرتے ہوئے کیپشن میں لکھا کہ ’میں آپ کو اپنی زندگی میں خوش آمدید کہتا ہوں۔‘
اداکار نے کچھ دیر قبل شادی کی تصویر شیئر کی جسے لاکھوں کی تعداد میں مداح دیکھ چکے ہیں اور انہیں شادی کی مبارک باد دے رہے ہیں۔
View this post on Instagram
سوشل میڈیا پیجز پر وائرل ہونے والی مہندی کی تقریب کی ویڈیوز میں دعویٰ کیا گیا کہ فیروز خان نے دعا نامی لڑکی سے دوسری شادی کی ہے اور ان کی دلہن کا شوبز سے کوئی تعلق نہیں۔
View this post on Instagram
واضح رہے کہ فیروز خان کی پہلی شادی 2018 میں علیزا سلطان سے ہوئی تھی، اداکار کے ہاں پہلے بچے سلطان کی پیدائش 2019 جب کہ بیٹی فاطمہ کی پیدائش 2022 میں ہوئی تھی۔
بعدازاں 2022 میں ہی فیروز اور علیزا کے درمیان طلاق ہوگئی تھی
