The news is by your side.

Advertisement

جعلی ویزے، دستاویزات پر بیرون ملک جانیوالے 12 مسافر گرفتار

کراچی: وفاقی تحقیقاتی ادارے (ایف آئی اے) نے جعلی ویزے اور دستاویزات پر بیرون ملک جانے کی کوشش کرنے والے 12 مسافروں کو گرفتار کرلیا ہے۔

اے آر وائی نیوز کی رپورٹ کے مطابق یہ کارروائیاں ایف آئی اے امیگریشن سیل نے گزشتہ ماہ مئی کے دوران جناح انٹرنیشنل ایئر پورٹ کراچی پر کی، اس دوران جعلی ویزے، دستاویزات پر بیرون ملک جانیوالے 12 مسافروں کو جہاز سے آف لوڈ کرکے گرفتار کیا گیا۔

No description available.

اسسٹنٹ ڈائریکٹر ایف آئی اے آصف بلوچ کا کہنا ہے کہ مسافر جعلی ویزے، مشتبہ پاسپورٹ، شناختی سے بیرون ملک جارہے تھے مسافروں کو گرفتار کرکے پاسپورٹ سیل منتقل کردیا گیا ہئ، جہاں ان سے تفتیش جاری ہے۔

خیال رہے کہ اس سے قبل مارچ میں بھی ایف آئی اے امیگریشن کے عملے نے جعلی دستاویزات پر بیرون ملک جانے کی کوشش کرنے والے مسافر کو گرفتار کرکے ملزم کیخلاف مقدمہ درج کرلیا گیا۔

ایف آئی اے کا کہنا تھا کہ مسافر جعلی افغانی پاسپورٹ پر نجی ائرلائن کی پرواز سے بیلجیئم جانے کے لیے ائیرپورٹ پہنچا تھا۔

Comments

یہ بھی پڑھیں