کراچی : ایف آئی اے انٹرپول پاکستان نے ابوظہبی سے سنگین جرائم میں مطلوب ملزم کو گرفتار کرلیا، گرفتار ملزم پولیس کو مطلوب تھا۔
اشتہاری ملزم تصور حسین کو ابوظبی سے گرفتار کرکے فیصل آباد ایئرپورٹ منتقل کردیا گیا، گرفتار ملزم قتل سمیت مختلف مقدمات میں پنجاب پولیس کو مطلوب تھا۔
ملزم کےخلاف جہلم کے مقامی تھانے میں مقدمہ درج تھا۔ ملزم کی حوالگی انٹرپول اسلام آباد کی انٹرپول ابوظہبی کے ساتھ قریبی رابطہ کاری کی وجہ سے ممکن ہوئی۔
ایف آئی اے این سی انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔ بعد ازاں ایف آئی اے فیصل آباد سرکل نے ملزم کو متعلقہ پولیس حکام کے حوالے کردیا۔
ترجمان ایف آئی اے کا کہنا ہے کہ این سی بی انٹرپول پاکستان بیرون ملک فرار ہونے والے ملزمان کی گرفتاری کے لیے گراں قدر خدمات سرانجام دے رہا ہے انتہائی مطلوب ملزمان کی گرفتاری اور بروقت حوالگی کے لیے این سی بی انٹرپول پاکستان ہمہ وقت کوشاں ہے۔
