The news is by your side.

Advertisement

ایف آئی اے کی بڑی کارروائی : پھلوں کی آڑ میں منی لانڈرنگ کرنے والے تین ملزمان گرفتار

ملزمان کے8اکاونٹس میں منی لانڈرنگ کے لئے7کروڑ70لاکھ کی ٹرانزیکشنز بھی منجمد کردی گئی

کوئٹہ : ایف آئی اے نے پھلوں کے کاروبار کی آڑ میں منی لانڈرنگ کرنے والے تین ملزمان کو گرفتار کرکے ملکی و غیر ملکی کرنسی بر آمد کرلی، ملزمان کے 8اکاونٹس منجمد کردیئے گئے۔

تفصیلات کے مطابق ایف آئی اے کمرشل بینکنگ سرکل کوئٹہ نے بڑی کارروائی کرتے ہوئے فروٹ کے کاروبار کی آڑ میں منی لانڈرنگ کرنے والے تین ملزمان گرفتار کرلیے۔

چوہڑ روڈ کوئٹہ پر قائم دفتر پر کارروائی کے دوران بڑے پیمانے پر ملکی و غیر ملکی کرنسی بر آمد کرلی گئی، ایف آئی اے نے ملزمان کے8اکاونٹس میں منی لانڈرنگ کے لئے7کروڑ70لاکھ کی ٹرانزیکشنز بھی منجمد کردی۔

چھاپہ کے دوران حوالہ ہنڈی کے لئے دفتر میں موجود چیک بکس، بنک رسیدیں اور دیگر دستاویزات بھی برآمد کی گئیں۔

ڈائریکٹر ایف آئی اے بلوچستان الطاف حسین نے تفصیلات سے آگاہ کرتے ہوئے بتایا کہ گرفتار ملزمان غلام محمد، حبیب الرحمان اشرف علی کے خلاف مقدمہ درج کرلیا گیا ہے،، ملزمان گزشتہ کئی سالوں سے حوالہ ہنڈی کے ذریعے منی لانڈرنگ میں ملوث ہیں۔ملزمان اب تک 7 ارب 90 کروڑ کی منی لانڈرنگ کر چکے ہیں۔

Comments

comments

یہ بھی پڑھیں