لاہور : ایف آئی اے نے ایم پی اےنذیر چوہان کے خلاف ایف آئی آرمیں درج شریک نامزد ملزم کو گرفتار کرلیا ، محمد نوید نےنفرت انگیر مواد اپنی آواز میں انٹرنیٹ پرپھیلایا۔
تفصیلات کے مطابق ایف آئی اے نے ایم پی اے نذیر چوہان کے خلاف ایف آئی اے سائبر کرائم ونگ میں درج ایف آئی آر میں شریک نامزد ملزم محمد نوید کو گرفتارکرلیا۔
ایف آئی اے ذرائع کا کہنا ہے کہ محمد نوید کو قصور سے گرفتار کیاگیا، انھوں نےنفرت انگیر مواد اپنی آواز میں انٹرنیٹ پرپھیلایا، محمد نوید کو ریمانڈ کے لیے عدالت میں پیش کیا جائے گا۔
اس سے قبل عدالت نے پی ٹی آئی رکن پنجاب اسمبلی نذیرچوہان کے جسمانی ریمانڈ کی استدعا مسترد کرتے ہوئے 14 روزہ جوڈیشل ریمانڈ پر جیل بھجوادیا اور 14 اگست کودوبارہ پیش کرنے کا حکم دیا تھا۔
پراسیکیوٹر نے کہا واٹس اپ گروپس کےمتعلق جاننے کیلئےموبائل لینالازمی ہے، جب تک واٹس اپ تفصیل نہیں آئی گی ،مزیدتحقیق نہیں کر سکتے، یہ ہم سے تعاون نہیں کر رہے۔
