لاہور: وفاقی تحقیقاتی ادارے ( ایف آئی اے) نے ویزا فراڈ اور انسانی اسمگلنگ میں ملوث 3 ملزمان کو گرفتار کرلیا۔
تفصیلات کے مطابق ایف آئی اے نے ویزا فراڈ اور انسانی اسمگلنگ میں ملوث 3 ملزمان کو گرفتار کرلیا، گرفتار ملزمان میں محمود احمد، امان اللہ اور قاسم علی شامل ہیں۔
ایف آئی اے ترجمان نے بتایا کہ ملزم محمود نے شہریوں کو بیرون ملک بھجوانے کیلئے لاکھوں روپے بٹورے تھے، ملزم نے شہری کو کینیڈا ملازمت پربھجوانے کیلئے 25 لاکھ روپے بٹورے۔
- Advertisement -
ترجمان نے بتایا کہ ملزم امان اللہ، قاسم علی نے عراق ملازمت کا جھانسہ دے کر9 لاکھ روپے لیے، ملزمان کے دیگر ساتھیوں کی گرفتاری کے لئے چھاپے مارے جا رہے ہیں۔
