کراچی: ایف آئی اے نے کارروائی کے دوران کروڑوں روپے کے بینکنگ فراڈ اور دھوکادہی میں ملوث نجی بینک کے کیشئر کو گرفتار کرلیا۔
تفصیلات کے مطابق ایف آئی اے کمرشل بینک سرکل نے کارروائی کے دوران 3 کروڑ روپے سے زائد بینکنگ فراڈ اور دھوکا دہی میں ملوث بینک ملازم کو گرفتار کرلیا۔
ترجمان ایف آئی اے کے مطابق ملزم صدر میں واقع نجی بینک کی برانچ میں بطور کیشئر تعینات تھا، غلام محمد نے دیگر ملزمان کی ملی بھگت سے ٹرانزٹ کیش میں خوربرد کی۔
- Advertisement -
ترجمان کا بتانا ہے کہ ملزمان نے مجموعی طور پر 3 کروڑ 29 لاکھ 78 ہزار روپے غبن کئے، ملزمان نے زائد کیش کی آڑ میں مختلف برانچوں کو جعلی کیش ٹرانزٹ جاری کیں۔
ترجمان نے مزید بتایا کہ جعلی کیش انٹریز گزشتہ سال مئی، جون اور جولائی میں کی گئی تھیں، دیگر ملزمان کی گرفتاری کے لئے چھاپے مارے جا رہے ہیں۔
