اسلام آباد: ایف آئی اے نے 17 سال جعلی ڈگری پر ملازمت کرنے والے ملزم کو گرفتار کرلیا۔

تفصیلات کے مطابق وفاقی تحقیقاتی ادارے (ایف آئی اے) نے  17سال جعلی ڈگری پر ملازمت کرنے والے ملزم رؤف سہیلگل کو گرفتار کرلیا، ملزم  نے پی آئی اے میں جعلی ڈگری جمع کرائی تھی۔

ایف آئی سے ترجمان کے مطابق ملزم رؤف پی آئی اے میں کارگو اسسٹنٹ بھرتی ہوا تھا، پی آئی اے نے 2020 میں ملزم کو نوکری سے بر طرف کیا تھا۔

 ترجمان نے مزید بتایا کہ پی آئی اے کی درخواست پر کارروائی کی، ضمانت منسوخی پر ملزم کو گرفتار کیا گیا ہے، ملزم رؤف سہیل کے خلاف مزید تفتیش جاری ہے۔