وفاقی تحقیقاتی ادارے (ایف آئی اے) نے کراچی ایئرپورٹ سے جعلی ویزے پر سفر کرنے والے ملزم کو گرفتار کرلیا۔
تفصیلات کے مطابق ایف آئی اے نے کراچی ایئرپورٹ سے جعلی ویزے پر سفر کرنے والے ملزم کو گرفتار کرلیا، مسافر محمد اظہر پاکستانی پاسپورٹ پر ملاوی سفر کررہا تھا۔
ایف آئی اے کے مطابق مسافر کے پاسپورٹ پر سینیگال اور انڈونیشیا کے ویزا اسٹیکرز جعلی تھے، مسافر ملاوی میں ورک، ریزیڈنٹ ویزہ حاصل کرنا چاہتا تھا۔
ایف آئی اے کا کہنا ہے کہ مسافر ملاوی میں سلیم نامی ایجنٹ سے رابطے میں تھا، ایجنٹ نے 10 ہزار ڈالر کے عوض ویزہ دلوانے کا وعدہ کیا تھا۔
