ایف آئی اے نے آن لائن جنسی ہراسانی اور بلیک میلنگ میں ملوث ملزم کو گرفتار کرلیا۔
تفصیلات کے مطابق ایف آئی اے سائبر کرائم سرکل نے اسلام آباد میں کارروائی کرتے ہوئے آن لائن جنسی ہراسانی اور بلیک میلنگ میں ملوث ملزم کو گرفتار کرلیا۔
ایف آئی اے ترجمان نے کہنا تھا کہ ملزم فہد سعید متاثرہ خاتون کو بلیک میل کرنے میں ملوث تھا، ملزم نے خاتون کی تصاویر سوشل میڈیا پر شیئر کیں، ملزم نے قابل اعتراض مواد متاثرہ کے رشتےداروں کو بھی بھیجا۔
- Advertisement -
ترجمان کا کہنا تھا کہ ملزم سے 4 موبائل فون، 2 لیپ ٹاپ، 1 سی پی یو اور دیگر شواہد ملے، موبائل فون اور لیپ ٹاپ سے قابل اعتراض مواد برآمد کر لئے۔
