پشاور: ایف آئی اے نے کروڑوں روپے کی کرپشن میں ملوث پیسکو کے ایس ڈی او کو گرفتار کرلیا۔
وفاقی تحقیقاتی ایجنسی (ایف آئی اے) پشاور نے کروڑوں روپے کی کرپشن میں ملوث پیسکو کے ایس ڈی او کو گرفتار کرلیا، گرفتار ملزم وسیم احمد نوشہرہ میں بطور ایس ڈی او تعینات تھا۔
حکام کے مطابق ملزم نے دوران تعیناتی نوشہرہ میں فیکٹری مالک کی بجلی چوری میں معاونت کی، ملزم نے بجلی چوری کے عوض کروڑوں روپے کی رشوت وصول کی۔
- Advertisement -
ایف آئی اے حکام نے مزید بتایا کہ بجلی چوری سے قومی خزانے کو 1 کروڑ 20 لاکھ روپے کا نقصان پہنچا۔
