کراچی : ایف آئی اے) سائبر کرائم نے کارروائی کرتے ہوئے بلیک میلنگ میں ملوث لڑکی سمیت 6 ملزمان کو گرفتار کرلیا ، ملزم اپنی بہن کے ساتھ مل کر سابقہ بیوی کو بلیک میل کررہا تھا۔
تفصیلات کے مطابق وفاقی تحقیقاتی ادارے (ایف آئی اے) سائبر کرائم نے کراچی اور سکھر میں کارروائیاں کیں اور کارروائیوں میں لڑکی سمیت 6ملزمان کوگرفتار کرلیا۔
ایڈیشنل ڈائریکٹر ایف آئی اے نے کہا کراچی سے بہن بھائی کو گرفتار کیا گیا، ملزم اپنی بہن کے ساتھ مل کر سابقہ بیوی کو بلیک میل کررہاتھا۔
عمران ریاض کا کہنا تھا کہ ملزم کی بہن سابقہ بھابھی کی تصاویر،ویڈیوز وائرل کررہی تھی ، ویڈیو،تصاویرملزم نےاس وقت بنائی جب طلاق نہیں ہوئی تھی۔
حکام نے کہا کہ دوسری کارروائی کے دوران سکھر میں بچے کی نازیبا ویڈیو بنانے والے 2ملزمان کو گرفتار کیا گیا ، ملزم کے 2 ساتھی جو نازیبا ویڈیو وائرل کررہے تھے انہیں بھی گرفتارکیا۔
ایڈیشنل ڈائریکٹر ایف آئی اے کا کہنا تھا کہ ملزمان نے پہلے بچے کے ساتھ زیادتی کرتے وقت ویڈیو بنائی پھر وائرل کی ، ایک ملزم کا چہرہ مقامی گلوکار سے ملتا تھا، جس کو اس ملزم کی جگہ بتاکر بدنام کیا گیا۔
