پنجاب پولیس کو سنگین جرائم میں مطلوب ملزمان بحرین سے گرفتار

کراچی: ایف آئی اے انٹرپول نے  پنجاب پولیس کو سنگین جرائم میں مطلوب ملزمان کو بحرین سے گرفتار کرلیا۔

تفصیلات کے مطابق ایف آئی اے انٹرپول نے کارروائی کرتے ہوئے پنجاب پولیس کو سنگین جرائم میں مطلوب 2 اشتہاری ملزمان کو گرفتار کرلیا۔

ترجمان ایف آئی اے کے مطابق جرائم میں مطلوب ملزمان کو بحرین سے گرفتار کیا گیا ہے، ملزم محمد ماجد ڈکیتی اور محمد سرور قتل کے مقدمے میں مطلوب تھا۔

ترجمان نے بتایا کہ محمد ماجد کیخلاف سیالکوٹ کے تھانہ کوٹلی میں 2018 میں مقدمہ درج ہوا تھا جبکہ محمد سرور کیخلاف ٹوبہ ٹیک سنگھ تھانے میں 2020 میں مقدمہ درج ہوا تھا۔

ترجمان کا یہ بھی بتانا تھا کہ ملزمان کی گرفتاری کیلئے ایف آئی اے انٹرپول نے ریڈ نوٹسسز جاری کئے تھے، ایف آئی اے امیگریشن سیالکوٹ نے ملزمان کو متعلقہ پولیس کے حوالے کر دیا۔

Comments