ایف آئی اے نے گوجرانوالہ میں کارروائی کرتے ہوئے لیبیا کشتی حادثے میں ملوث 3 مطلوب اشتہاریوں سمیت 200 انسانی اسمگلرز کو گرفتار کرلیا۔
تفصیلات کے مطابق ایف آئی اے گوجرانوالہ زون نے گزشتہ 2 ماہ میں 542 انکوائریاں کی تحقیقات مکمل کیں اس کریک ڈاون کے دوران مجموعی طور پر 200 انسانی اسمگلرز کو گرفتار کیا گیا۔
ترجمان ایف آئی اے کے مطابق ڈائریکٹر ایف آئی اے کی ہدایت پر ایف آئی اے نے دو ماہ کے دوران 542 انکوا ئریز کو میرٹ پر مکمل کیا، 82 ملزمان کے چالان مکمل کرکے عدالت میں بھجوائے گئے۔
ترجمان نے بتایا کہ لیبیا کشتی حادثہ میں ملوث 3 انتہائی مطلوب اشتہاری ملزمان کو گرفتار کیا گیا ساتھ ہی ریڈ بک میں مطلوب اشتہاری سمیت 15 اشتہاری ملزمان کی گرفتاری بھی عمل میں لائی گئی۔
ایف آئی اے نے بتایا کہ حوالہ ہنڈی اور دیگر جرائم میں ملوث پرائیوٹ افراد اور سرکاری ملازمین بشمول پاسکو افسران کے خلاف کاروائیاں کرتے ہوئے 2 کروڑ روپے سرکاری خزانے میں جمع کروائے گئے۔
ترجمان نے بتایا کہ سیالکوٹ ائیرپورٹ پر ایف آئی اے امیگریشن نے کاروائیاں عمل میں لاتے ہوئے 17 مشکوک مسافروں کو آف لوڈ کیا، ملزمان کی جانب پیش کی جانے والی سفری دستاویزات جعلی نکلی جبکہ 5 مسافروں سے جعلی کاغذات برآمد کرتے ہوئے مسافروں کے خلاف کاروائی عمل میں لائی گئی۔
