ایف آئی اے این سی بی انٹرپول نے 8 سال سے قتل کے مقدمے میں مطلوب خطرناک اشتہاری ملزم کو بحرین سے گرفتار کرلیا۔
ایف آئی اے حکام کے مطابق ملزم وسیم اکرم کو بحرین سے گرفتار کر کے اسلام آباد ائیرپورٹ منتقل کر دیا گیا، ملزم گزشتہ 8 سال سے پنجاب پولیس کو مطلوب تھا۔
حکام کا کہنا ہے کہ ملزم کے خلاف سال 2016 میں تھانہ فتح جھنگ اٹک میں مقدمہ درج ہوا تھا، ملزم قتل کر کے بیرون ملک فرار ہو گیا تھا، ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا۔
- Advertisement -
حکام نے مزید بتایا کہ ملزم کو بعد ازاں ایف آئی اے امیگریشن اسلام آباد نے پنجاب پولیس حکام کے حوالے کر دیا، ملزم کی حوالگی انٹرپول اسلام آباد کی انٹرپول بحرین کے ساتھ قریبی رابطہ کاری کی وجہ سے ممکن ہوئی۔
