اسلام آباد: بلوچستان اور جنوبی وزیرستان میں 10 ایف آئی اے سرحدی چوکیاں قائم کی گئی ہیں۔
تفصیلات کے مطابق بلوچستان اور جنوبی وزیرستان میں سرحدی علاقوں سے انسانی اسمگلنگ اور غیر قانونی نقل و حمل روکنے کے لیے ایف آئی اے نے 10 سرحدی چوکیاں قائم کر دی ہیں۔
سرحدی چوکیوں سے متعلق ایک رپورٹ بھی وزارت داخلہ کو ارسال کر دی گئی ہے، ایف آئی اے رپورٹ میں کہا گیا ہے کہ تمام چوکیوں کی حدود کا تعین اور ایریا بھی ڈکلیئر کر دیا گیا ہے۔
- Advertisement -
یہ چوکیاں انسانی اسمگلنگ اور غیر قانونی نقل و حمل کو بارڈر ہی پر روکیں گی، یہ چوکیاں قلعہ سیف اللہ، کیچ، گوادر، جنوبی وزیرستان میں قائم کی گئی ہیں، میران شاہ، کُرم، چاغی، میں بھی ایک ایک چوکی بنائی گئی ہے۔
ایف آئی اے کی رپورٹ کے مطابق یہ تمام چوکیاں وفاقی حکومت کی منظوری کے ساتھ قائم کی گئی ہیں۔
