The news is by your side.

Advertisement

ایف آئی اے کے جعلی دفتر میں شہریوں پر تشدد کا انکشاف

کراچی: صوبائی دارالحکومت میں جعلی ایف آئی اے کے دفتر کو بطور ٹارچر سیل استعمال کیے جانے کا انکشاف ہوا ہے۔

اے آر وائی نیوز کے مطابق وفاقی تحقیقاتی ادارے ایف آئی اے کے نام سے شہریوں کو بلیک میل کرنے اور انہیں تشدد کا نشانہ بنانے کی شکایات پر ایف آئی اے سائبر کرائم سیل نے سولجر بازار میں ادارے کا جعلی دفتر کا سراغ لگا لیا۔

ایف آئی اے سائبر کرائم سیل نے چھاپہ مار کارروائی کے دوران جعلی دفتر سے ویڈیوز، دستاویزار اور دیگر ریکارڈ تحویل میں لے لیا، ویڈیوز میں جعلی دفتر بطور ٹارچرسیل استعمال ہونے کا انکشاف ہوا ہے۔

حکام کا کہنا ہے کہ ویڈیوز سے پتہ چلا ہے کہ شہریوں کو برہنہ کرکے بہیمانہ تشدد کیا جاتا تھا اور انہیں بلیک میل بھی کیا جاتا تھا۔ حکام کے مطابق ویڈیوز میں نظر آنے والے افراد کی شناخت کرلی گئی ہے اور معاملے کی مزید تحقیقات جاری ہیں۔

Comments

comments

یہ بھی پڑھیں