The news is by your side.

Advertisement

حکومت کا شہباز شریف کیخلاف بڑا اقدام

لاہور : ایف آئی اے نے شوگر انکوائری اورمنی لانڈرنگ کیس میں شہبازشریف کی ضمانت منسوخی کی درخواست دائر کردی۔

تفصیلات کے مطابق حکومت نے ایف آئی اے کو منی لانڈرنگ کیس شہبازشریف کی ضمانت منسوخی کی درخواست دائرکرنےکی ہدایت کردی۔

حکومت کی جانب سے شہبازشریف اورحمزہ شہباز کی ضمانت منسوخی کی درخواست اسپیشل جج سینٹرل کی عدالت میں دائر کی گئی۔

درخواست میں کہا گیا کہ شہبازشریف ضمانت کیس میں مسلسل تاخیری حربے استعمال کر رہے ہیں، وہ بیماری اور سیاسی مصروفیات کا بہانہ بنا کر پیش نہیں ہوتے ،پارلیمنٹ میں مصروفیات کی بناپرعدالتوں میں پیشیاں نہیں چھوڑی جا سکتیں۔

ایف آئی اے نے کہا وفاقی شرعی عدالت نے بھی اس معاملے پر فیصلہ دے رکھا ہے ،پارلیمنٹ سے تو سپیکر کی اجازت سے چھٹی لی جا سکتی ہے، عبوری ضمانت میں عدالت میں پیشی سے نہیں روکا جا سکتا ، درخواست

درخواست میں کہا شہباز شریف کو عدالتی کارروائی کا مذاق اڑانے نہ دیا جائے اور عدالت شہباز شریف کی عبوری ضمانت خارج کرے۔

خیال رہے شہبازشریف اور حمزہ شہباز منی لانڈرنگ کیس میں عبوری ضمانت پر ہیں ، عدالت نے شہباز شریف اور حمزہ شہباز کی عبوری ضمانت 4 اپریل تک منظور کر رکھی ہے۔

Comments

یہ بھی پڑھیں