بدھ, مئی 22, 2024
اشتہار

بیرون ملک سے آنیوالے مسافروں سے کروڑوں مالیت کے قیمتی موبائل فونز برآمد

اشتہار

حیرت انگیز

اسلام آباد: ایف آئی اے نے بیرون ملک سے آنیوالے مسافروں سے کروڑوں مالیت کے قیمتی موبائل فونز برآمد کرلئے۔

تفصیلات کے مطابق ایف آئی اے امیگریشن نے اسلام آباد ائیرپورٹ پر بڑی کارروائی کرتے ہوئے بیرون ملک سے آنے والے 2 مسافر گرفتار کر کے کروڑوں مالیت کے موبائل فونز برآمد کرلئے۔

  ایف آئی اے حکام کے مطابق گرفتار ملزمان میں بابر ایوب اور محمد سلمان شامل ہیں ملزمان فلائٹ نمبر پی کے 234 کے ذریعے دبئی سے پاکستان پہنچے تھے، ٹریول ہسٹری کے مطابق ملزمان نے گزشتہ کچھ ہفتوں کے دوران متعدد بار بیرون ملک سفر کیا۔

- Advertisement -

حکام نے بتایا کہ شک کی بنیاد پر ملزمان کے سامان کی تلاشی لی گئی ملزمان کے سامان سے 50 آئی فون 15 پرو میکس، 16 آئی فون 15 پرو برآمدہوئے ملزمان سے 100 ڈیٹا کیبلز اور 3 ایپل میک بک بھی برآمدہوئی۔

ایف آئی اے حکام نے کہا کہ ملزمان کھجوروں کے پیکٹس میں موبائل فون چھپا رکھے تھے، ملزمان برآمد ہونے والی اشیاء کے حوالے سے حکام کو مطمئن نہ کر سکے، بعد ازاں ملزمان کو مزید قانونی کارروائی کے لئے کسٹم حکام کے حوالے کر دیا گیا۔

Comments

اہم ترین

محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں

مزید خبریں