ایف آئی اے این سی بی انٹرپول نے قتل کے مقدمے میں مطلوب اشتہاری ملزم کو یو اے ای سے گرفتار کرلیا۔

تفصیلات کے مطابق ایف آئی اے این سی بی انٹرپول نے کارروائی کرتے ہوئے سنگین جرائم کے مقدمے میں مطلوب اشتہاری ملزم یو اے ای سے گرفتارکرلیا۔

  ایف آئی اے کے مطابق ملزم محمد قاسم کو یو اے ای سے گرفتار کر کے اسلام آباد ائیرپورٹ منتقل کر دیا گیا، ملزم گزشتہ 2 سال سے فیصل آباد پولیس کو مطلوب تھا۔

ایف بی آر حکام کے مطابق ملزم کے خلاف سال 2022 میں تھانہ کھریانوالہ، فیصل آباد میں مقدمہ درج ہوا تھا، ملزم کے خلاف اقدام قتل کی دفعات کے تحت مقدمہ درج تھا۔

ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا، ملزم کو بعد ازاں ایف آئی اے امیگریشن اسلام آباد نے فیصل آباد پولیس کے حوالے کر دیا۔