راولپنڈی: بانی پی ٹی آئی کے ایکس اکاؤنٹ سے ریاست مخالف پوسٹ کی تحقیقات کا آغاز ہوگیا، ایف آئی اے کی ٹیم نے بانی پی ٹی آئی عمران خان سے تفتیش کا پہلا مرحلہ مکمل کرلیا۔
ذرائع کا کہنا ہے بانی پی ٹی آئی سے ایکس اکاؤنٹ سے متعلق سوالات کیے گئے، بانی پی ٹی آئی نے اپنے وکلا کی موجودگی میں ایف آئی اے ٹیم کو جواب دیے۔
ذرائع نے بتایا کہ بانی پی ٹی آئی عمران خان نے بیان دیا ان کی میڈیا سے ہونے والی گفتگو کو ایکس اکاؤنٹ پر پوسٹ کیا جاتاہے، مقصد کسی ایک ادارے یا ایک شخصیت سے متعلق بات کرنا نہیں تھا، میرا مقصد اشرافیہ کے بارے میں بات کرنا تھا۔
- Advertisement -
ذرائع کا کہنا ہے بانی پی ٹی آئی سے تفتیش مکمل ہونے پر ایف آئی اے مقدمہ درج کرے گی۔
