لاہور : شوگرمل کیس میں سیکرٹری پنجاب اسمبلی محمد خان بھٹی کی گرفتاری کا امکان ہے ، ایف آئی اے نے محمد خان بھٹی کے خلاف ناقابل تردید شواہد اکٹھے کرلیے۔
تفصیلات کے مطابق ایف آئی اے کی جانب سے یکرٹری پنجاب اسمبلی محمد خان بھٹی کی گرفتاری کاامکان ہے ، ذرایع کا کہنا ہے کہ محمد خان بھٹی کے خلاف ناقابل تردید شواہد اکٹھے کر لیے گئے ہیں، ان شواہد کی روشنی میں نیامقدمہ درج کیا جائے گا۔
ذرائع نے بتایا ہے کہ محمد خان کے قریبی عزیز نوازبھٹی کے بیانات کی روشنی میں محمد خان بھٹی کی گرفتاری عمل میں لائی جانے کا امکان ہے۔
ذرائع کے مطابق وازرت داخلہ کی جانب سے محمد خان بھٹی کو آج گرفتار کرنے کے لیے ایف آئی اے ٹیموں کو ۂدایت دے دی گئی ہے۔
خیال رہے سیکرٹری پنجاب اسمبلی محمد خان بھٹی شوگر مل کیس میں ضمانت پر ہیں۔، رحیم یار خان شوگر ملز کیس میں چوہدری پرویز اور چوہدری مونس الہی کے خلاف بھی تحقیقات کی جارہی ہیں۔
