پشاور: ایف آئی اے نے کارروائی کرتے ہوئے 13کرنسی اسمگلروں کو گرفتار کرکے 3 لاکھ 50 ہزار سعودی ریال برآمد کرلئے۔
تفصیلات کے مطابق ایف آئی اے نے باچا خان انٹرنیشنل ایئرپورٹ پر کارروائی کرتے ہوئے مسافر سے ایک لاکھ غیرملکی کرنسی برآمد کرکے ملزم کو گرفتار کرلیا۔
ڈپٹی ڈائریکٹر ایف آئی اے ریاض خان نے کہا کہ ملزم غیرملکی کرنسی یواےای سمگل کررہاتھا، ملزم نےتفتیش کےدوران دیگر ساتھیوں کے نام بھی بتائے۔
- Advertisement -
ریاض خان کا کہنا تھا کہ ایف آئی اےنے دیگرملزمان کوبھی گرفتارکر لیا ہے ، دیگرملزمان سے ایک لاکھ 63 ہزار500 سعودی ریال برآمد ہوئے۔
ڈپٹی ڈائیریکٹرایف آئی اے نے بتایا کہ 3دنوں کےدوران 13کرنسی اسمگلروں کوگرفتارکیاجاچکاہے، کرنسی اسمگلروں سے3 لاکھ 50 ہزار سعودی ریال برآمد کیے گئے۔
ریاض خان کا کہنا تھا کہ تمام ملزمان کیخلاف مقدمہ درج کرکے مزیدتفتیش شروع کردی گئی ہے۔
