کراچی : ایف آئی اے نے جناح اسپتال کے قریب میڈیکل اسٹورپر چھاپہ مار کر 4 ملزمان کو گرفتار کرکے بڑی تعدادمیں جعلی اور غیر رجسٹرڈ دوائیں برآمد کرلیں۔
تفصیلات کے مطابق کراچی میں جناح اسپتال کے قریب میڈیکل اسٹورپر ایف آئی اے نے چھاپہ مارا ، اس موقع پر اینٹی کرپشن سرکل کےہمراہ ڈرگ ریگولیٹری اتھارٹی کی ٹیم بھی موجود تھی۔
ایف آئی اے حکام نے بتایا کہ کارروائی کے دوران 4 ملزمان کو گرفتار کر لیا گیا ہے ، ملزمان جعلی اور غیر رجسٹرڈ دوائیں بیچنے میں ملوث تھے۔
- Advertisement -
حکام کا کہنا تھا کہ چھاپوں کےدوران بڑی تعدادمیں جعلی،غیررجسٹرڈدوائیں برآمدکرلی گئیں ہیں ، کارروائیاں رفیقی ایچ جے روڈ کراچی میں مختلف میڈیکل اسٹورز پر کی گئیں۔
ایف آئی اے نے بتایا کہ ملزمان کیخلاف ڈرگ ایکٹ کے تحت مقدمہ درج کرلیا گیا ہے۔
