The news is by your side.

Advertisement

شوگر سٹہ مافیا کے 10بڑے گروپوں کے خلاف مقدمات درج

اسلام آباد : ایف آئی اے نے شوگر سٹہ مافیا کے10بڑے گروپوں کے خلاف مقدمات درج کرتے ہوئے سٹہ مافیا کی گرفتاری کے لئے 20ٹیمیں تشکیل دے دی۔

تفصیلات کے مطابق ایف آئی اے کی جانب سے شوگر سٹہ مافیا کے 10 بڑے گروپوں کے خلاف مقدمات درج کر لئے گئے اور مافیاکی گرفتاری کے لئے 20 ٹیمیں تشکیل دے دی گئی ہے۔

شوگر سٹہ مافیا کے ملک عباد گروپ کے خلاف مقدمہ درج کیا گیا ، ملک عبادگروپ میں ملک عباد، اسد پرویز بٹ، شیخ ساجد شامل ہیں، ملتان گروپ کے خلاف بھی مقدمہ درج کیا، ملتان گروپ میں راشدملتان،عامرآصف،قیصرسلیم ،اویس بلال شامل ہیں۔

ذرائع کا کہنا ہے کہ شوگر سٹہ کے مولوی ظہیر گروپ کے خلاف بھی مقدمہ درج کرلیا گیا ،مولوی ظہیرگروپ میں وقاص اشرف چاولہ،مولوی ظہیرشامل ہیں جبکہ مقدمےمیں شوگرسٹہ مافیا کے ملک ماجد گروپ کو بھی نامزد کیا گیا، ملک ماجدگروپ میں سفیان ملک،فرقان بابا اورزاہد ملک شامل ہیں۔

ذرائع کے مطابق مقدمےمیں خرم دوائی گروپ کے ارکان بھی شامل ہیں، خرم شفیع،خرم دوائی،ندیم آفتاب خرم دوائی گروپ کاحصہ ہیں۔

شوگرسٹہ مافیا کے مرزاگروپ اور طفیل گوگاگروپ کے خلاف بھی مقدمہ درج کیا گیا، مرزاگروپ میں شیخ عامر وحید، مرزا ندیم ،مستنصر گوگی، اسد بھائیا جبکہ شیخ طفیل،عمران طفیل، سہیل بٹ، جنیدعرف گوگابٹ طفیل گوگا گروپ کا حصہ ہیں۔

مقدمے میں شوگرسٹہ مافیاکےبھلی گروپ کےارکان کانام بھی درج ہیں ، بھلی گروپ میں محمود بھلی،اسلم بھلی اور حاجی ہیرا شامل ہیں۔

شوگرسٹہ مافیا کا پراچہ گروپ اور بٹ گروپ بھی مقدمے میں نامزد ہیں ، پراچہ گروپ میں عاطف پراچہ، مشتاق پراچہ اور بٹ گروپ میں عمرصلاح الدین اورفیصل ضیاالدین شامل ہیں۔

ذرائع کا کہنا ہے کہ ملزمان نے ترین گروپ،شریف گروپ اورالائنس گروپ، تھل گروپ،حمزہ شوگرملزوغیرہ کیلئے سٹہ بازی کی جبکہ ملزمان نے بڑےپیمانےپرمنی لانڈرنگ کرنے کا انکشاف بھی کیا۔

خیال رہے مصنوعی قلت اورسٹّہ بازی کےذریعےچینی مسلسل مہنگی کی جا رہی ہے، ایک سال کےدوران چینی کی ایکس مل قیمت سترسے نوے روپےتک بڑھادی گئی ، جس کے ذریعے ایک سال میں سٹّے سے ایک سو دس ارب روپے کمائے۔

Comments

یہ بھی پڑھیں