The news is by your side.

Advertisement

بانی ایم کیوایم سے لندن میں پوچھ گچھ کے لئے ایف آئی اے کی ٹیم تشکیل

اسلام آباد : بانی ایم کیوایم سے لندن میں پوچھ گچھ کے لئے ایف آئی اے کی تفتیشی ٹیم تشکیل دے دی گئی ، اسکارٹ لینڈیارڈکی جانب سےگرین سگنل ملتےہی ٹیم لندن روانہ ہوگی، ایف آئی اے نے برطانوی وکیل ٹوبےکی خدمات بھی حاصل کرلیں ہیں۔

تفصیلات کے مطابق بانی ایم کیوایم کی لندن میں گرفتاری کے بعد ایف آئی اےکی تفتیشی ٹیم تشکیل دے دی گئی، ڈائریکٹرانسداد دہشت گردی ونگ ٹیم کی سربراہی کریں گے۔

ذرائع کا کہنا ہے ٹیم بانی ایم کیوایم سےمنی لانڈرنگ،نفرت انگیزتقاریرپرپوچھ گچھ کرے گی ، اسکارٹ لینڈیارڈکی جانب سےگرین سگنل ملتےہی ٹیم لندن روانہ ہوجائے گی۔

ایف آئی اے نے برطانوی وکیل ٹوبے کی خدمات بھی حاصل کرلیں ہیں ، عدالت میں بانی ایم کیوایم کی درخواست ضمانت کی مخالفت کی جائے گی۔

یاد رہے اسکاٹ لینڈ یارڈ نے بانی ایم کیو ایم کو گرفتار کیا ، انھیں آج صبح 8 بجے ان کےگھر پر چھاپہ مار کر حراست میں لیاگیا، گرفتاری کے بعد انھیں مقامی پولیس اسٹیشن منتقل کردیا گیا ، نارتھ لندن میں چھاپے میں15 پولیس افسران نے حصہ لیا تھا۔

مزید پڑھیں : بانی ایم کیو ایم لندن میں گرفتار، اسکاٹ لینڈیارڈ کی تصدیق

بعد ازاں اسکاٹ لینڈیارڈ نے گرفتاری کی تصدیق کرتے ہوئے کہا ایم کیوایم کے ایک شخص کونفرت انگیزتقاریر پرگرفتار کیا ہے، گرفتارشخص کوساؤتھ لندن کےپولیس اسٹیشن میں رکھاگیاہے اور تفتیش کے دوران افسران پاکستانی حکام سے رابطے میں رہے، تفتیش کی نگرانی انسداد دہشت گردی حکام تفتیش کر رہے ہیں۔

ذرائع کے مطابق اسکاٹ لینڈیارڈ سے کراچی ایف آئی اے کے انسداد دہشت گردی ونگ نے رابطہ کیا، ایف آئی اے نے ملزم کو حوالے کرنے سے متعلق شواہد سے آگاہ کیا، ایف آئی اے کی 3 رکنی ٹیم کی لندن روانگی کے لیے تیار ہے ، ایف آئی اے کومحکمہ داخلہ کے جواب کا انتظار ہے۔

واضح رہے اگست 2016 میں کراچی پریس کلب کے باہر قائد ایم کیو ایم کی جانب سے پاکستان مخالف اشتعال انگیز تقریر کی گئی تھی، جس کے بعد مظاہرین نے اے آر وائی نیوز کے دفتر پر حملہ کر کے دفتری املاک کو شدید نقصان پہنچایا اور دفتر میں موجود اسٹاف کو بھی زدکوب کیا تھا۔

Comments

comments

یہ بھی پڑھیں