The news is by your side.

Advertisement

ایف آئی اے نے ایک ہزار 210 انتہائی مطلوب افراد کی فہرست جاری کردی

اسلام آباد : وفاقی تحقیقاتی ادارے نے ملک بھر سے ایک ہزار 210 انتہائی مطلوب افراد کی فہرست جاری کردی، انتہائی مطلوب ملزمان کی فہرست میں قائدایم کیو ایم اور ن لیگ لندن کے رہنما ناصرمحمود بٹ سمیت پرویز مشرف، شوکت عزیز پر حملے کے ملزمان شامل ہیں۔

تفصیلات کے مطابق ایف آئی اے کو انتہائی مطلوب ملزمان کی فہرست سامنے آ گئی، وفاقی تحقیقاتی ادارے کو ملک بھر سے ایک ہزار 210 بڑے ملزمان کی تلاش ہیں۔

انتہائی مطلوب ملزمان میں ن لیگ لندن کے رہنما ناصرمحمود بٹ بھی شامل ہیں ، ناصربٹ کا نام جج بلیک میلنگ اسکینڈل کے بعد فہرست میں شامل کیا گیا۔

اس کے علاوہ فہرست میں اشتعال انگیزتقاریر کیس میں قائدایم کیو ایم، محمد انور ، پرویز مشرف، شوکت عزیز ، شجاع خانزادہ پر حملوں کے ملزمان شامل ہیں۔

انتہائی مطلوب ملزمان میں یوسف رضاگیلانی کےبیٹے علی حیدرگیلانی کے اغوا میں ملوث ملزمان ، ممبئی حملہ کیس میں نامزد ملزمان بھی شامل ہیں۔

گلگت بلتستان کے 30،بلوچستان 161،خیبرپختونخوا کے737 ، سندھ کے 100،پنجاب کے 122، اسلام آباد کے 32 ملزمان ایف آئی اے کی فہرست میں ہیں۔

Comments

یہ بھی پڑھیں