چوہدری غلام حسین کی گرفتاری پر ایف آئی اے کا بیان سامنے آگیا

وفاقی تحقیقاتی ادارے (ایف آئی اے) نے اے آر وائی نیوز سے منسلک سینئر صحافی و اینکر پرسن چوہدری غلام حسین کی گرفتاری پر وضاحت دے دی۔

ترجمان ایف آئی اے نے بتایا کہ اینکر پرسن چوہدری غلام حسین کو ایف آئی اے لاہور نے گرفتار کیا، وہ کمرشل بینکنگ سرکل لاہور کو مقدمے میں مطلوب تھے۔

ترجمان نے بتایا کہ چوہدری غلام حسین نے 2003 میں جعلی دستاویز پر بینک سے قرض لیا تھا، انہوں نے بینک سے 5 کروڑ 70 لاکھ روپے کا قرض لیا تھا، مقدمے میں چوہدری غلام حسین کے 2 بیٹے بھی اشتہاری ہیں۔

خیال رہے کہ چوہدری غلام حسین کو لاہور میں ایک کافی شاپ سے حراست میں لیا گیا۔

Comments