site
stats
سائنس اور ٹیکنالوجی

فیس بک اکاؤنٹ کی ہیکنگ سے بچنے کے لیے سیکیورٹی چابی

کیلی فورنیا: سماجی رابطوں کی ویب سائٹ فیس بک نے اکاؤنٹ کو ہیک ہونے سے بچانے کے لیے سیکیورٹی چابی متعارف کروا دی۔

فیس بک نے صارفین کے اکاؤنٹ مزید محفوظ بنانے کے لیے یو ایس بی جیسی چابی متعارف کروائی ہے جس کی مدد سے اکاؤنٹ کی حفاظت یقینی ہوجائے گی اور ہیکر اکاؤنٹ پر نقب نہیں لگا سکیں گے۔

key-2

ایف آئی ڈی او ۔ یو ٹی ایف نامی یہ چابی آپ کو آپ کے اپنے فیس بک اکاؤنٹ تک رسائی فراہم کرے گی۔ یو ایس بی پورٹ میں لگنے والی یہ چابی لاگ ان معلومات کی تصدیق کر کے پاس ورڈ کے ساتھ فیس بک کھولتی ہے۔

گویا اب آپ چاہیں تو اپنے فیس اکاؤنٹ کو ایسے ہی کھول سکتے ہیں جیسے گھر میں موجود کسی محفوظ تجوری، یا لاکر کو کھولتے ہیں۔

فیس بک کا دعویٰ ہے کہ اس کا استعمال ہیکرز کی اکاؤنٹ تک رسائی ناممکن بنا دیتا ہے۔

یو ٹو ایف سیکیورٹی چابی کو ایک مرتبہ اکاؤنٹ پر رجسٹر کروانے کے بعد بار بار اس کی ضرورت نہیں رہتی لیکن اگر آپ ہسٹری صاف کر دیتے ہیں تو اس کے بعد دوبارہ اس چابی کی ضرورت پڑے گی۔

key-3

اس چابی کو آن لائن خریدا جا سکتا ہے جس کی قیمت 21 ڈالر یعنی 2100 روپے کے برابر ہے۔

فیس بک کے مطابق چابی میں موجود خفیہ معلومات جو صرف آپ کو ہی معلوم ہوں گی، اس بات کو بھی نا ممکن بنادے گی کہ کوئی اس چابی کا استعمال کرتے ہوئے آپ کا اکاؤنٹ استعمال کرے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top