پشاور : فیلڈ مارشل اور آرمی چیف عاصم منیر نے کہا ہے کہ سیکیورٹی فورسز بھارتی اسپانسرڈ فتنہ الخوارج کے خاتمے کے لیے کوشاں ہیں۔
پشاور کور ہیڈ کوارٹرز کے دورے کے موقع پر تقریب سے خطاب کرتے ہوئے فیلڈ مارشل سید عاصم منیر کا کہنا تھا کہ پاکستانی قوم دہشت گردی کے خاتمے کے لیے متحد ہے۔
پاک فوج کے شعبہ تعلقات عامہ آئی ایس پی آر کے مطابق انہوں نے کہا کہ دہشت گردوں ان کے سہولت کاروں اور مددگاروں کو ہر قیمت پر انصاف کے کٹہرے میں لایا جائے گا۔
سید عاصم منیر کا کہنا تھا کہ دہشت گردی کے اصل چہرے کو دنیا کے سامنے بےنقاب کیا جائے گا، کسی بےگناہ پاکستانی کا خون رائیگاں نہیں جائے گا۔
قبل ازیں سید عاصم منیر کی پشاور آمد پر کور کمانڈر پشاور نے ان کا پرتپاک استقبال کیا، فیلڈ مارشل کو سیکیورٹی صورتحال اور انسداد دہشت گردی آپریشنز پر بریفنگ دی گئی۔
فیلڈ مارشل عاصم منیر نے بنوں گیریژن میں شہدا کی نمازجنازہ میں بھی شرکت اور سی ایم ایچ بنوں میں زخمیوں کی عیادت کی، انہوں نے سیکیورٹی فورسزکے جذبے اور عزم کو سراہا۔
فیلڈ مارشل نے اس عزم کا اعادہ کیا کہ پاکستان کی داخلی سلامتی کو کمزور کرنے کی ہر کوشش کا فوری فیصلہ کن جواب دیا جائے گا۔
انہوں نے خیبرپختونخوا پولیس سمیت سول اداروں کی صلاحیت بڑھانے پر زور دیتے ہوئے قانون نافذ کرنے والے اداروں کی مضبوطی کیلئےآرمی کی مکمل معاونت کا اعادہ کیا۔
مزید پڑھیں : بحیثیت قوم کبھی بھارت کے آگے جھکے اور نہ جھکیں گے، فیلڈ مارشل عاصم منیر
فیلڈ مارشل آرمی چیف جنرل عاصم منیر کا کہنا ہے کہ بحیثیت قوم ہم پاکستانی کبھی بھی بھارت کے آگے جھکے ہیں اور نہ جھکیں گے، دشمن کی اجارہ داری قبول نہیں۔
فوج کے شعبہ تعلقات عامہ (آئی ایس پی آر) کے مطابق سول سروسز اکیڈمی کے 52ویں کامن ٹریننگ پروگرام کے شریک سے افسران خطاب کرتے ہوئے فیلڈ مارشل آرمی چیف جنرل عاصم منیر نے کہا کہ ملک کی ترقی اور کامیابی کیلیے عوام، حکومت اور افواج کے درمیان مضبوط تعلق ناگزیر ہے۔
انہوں نے کہا کہ ریاست کی تمام اکایئوں کے درمیان ہم آہنگی کی اساس پاکستان کی انتظامیہ اور سول بیوروکریسی ہے اس کی بھاری اور اہم ذمہ داری آپ پر عائد ہوتی ہے،
