اسلام آباد : فیلڈ مارشل سید عاصم منیر کا کہنا ہے کہ کہا تھا پاکستان جواب دیگا تو پوری دنیا دیکھے گی اور شکر الحمد للہ ایسا ہی ہوا۔
تفصیلات کے مطابق فیلڈ مارشل سید عاصم منیر نے ایوان صدر میں سینئر صحافیوں سے غیر رسمی گفتگو میں کہا کہ بھارتی جارحیت کیخلاف پاکستانی میڈیا نے ستون کا کردار ادا کیا، میڈیا ہمارا فخر ہے، میڈیا نے دنیا کو بتایا کہ ہم سچ بولتے ہیں۔
فلیڈ مارشل کا کہنا تھا کہ میڈیا ہمارا پلر ہے، میڈیا نے ہمارے ساتھ مل کر جنگ لڑی اور ہم نے ثابت کیاکہ مادر وطن کا دفاع کرنا جانتے ہیں۔
صحافی نے فیلڈ مارشل سے سوال کیا آپریشن بنیان مرصوص کا نام کس نے تجویز کیا؟ تو انھوں نے بتایا کہ آپریشن بنیان مرصوص کانام بہت سوچ سمجھ کرمشاورت کے بعد رکھا گیا، بنیان مرصوص کا مطلب واضح ہے اور ہم اللہ کی مدد سے سیسہ پلائی دیوارثابت ہوئے۔
ان کا کہنا تھا کہ کہا تھا پاکستان جواب دے گا تو پوری دنیا دیکھے گی اور شکر الحمدللہ ایسا ہی ہوا۔
مزید پڑھیں : پاک افواج کے سربراہ سید عاصم منیر کو بیٹن آف فیلڈ مارشل سے نواز دیا گیا
خضدار حملے کے حوالے سے فیلڈمارشل نے کہا کہ بلوچستان میں بچوں کونشانہ بنانےوالوں کیخلاف بھرپورکارروائی جاری ہے اور پاکستان کی مسلح افواج ہروقت تیارہیں، شکر الحمد للہ دشمن کو اپنی سرزمین اورفضائی حدود میں داخل نہیں ہونے دیا۔
یاد رہے ایوان صدر میں ہونے والی تقریب میں پاک افواج کے سربراہ سید عاصم منیر کو بیٹن آف فیلڈ مارشل سے نوازا گیا تھا۔
صدرمملکت آصف زرداری نے پاک افواج کے سربراہ سید عاصم منیرکو بھارت کے خلاف جنگ میں ان کی شاندار خدمات اور قائدانہ صلاحیت پر بیٹن آف فیلڈ مارشل سے نوازا۔
