قطر میں جاری فیفا ورلڈ کپ کے مقابلوں میں آج چار میچز کھیلیں جائیں گے اور 8 ٹیمیں جیت کا عزم لیے ایک دوسرے کے مدمقابل آئیں گی۔
اے آر وائی نیوز کے مطابق قطر میں جاری دنیا کے سب سے مقبول کھیل فٹبال کے عالمی کپ کے مقابلے جاری ہیں۔ آج بھی چار میچز کھیلے جائیں گے اور 8 ٹیمیں جیت کی لگن کے ساتھ میدان میں اتریں گی۔
آج کے دن پہلا مقابلہ ویلز اور ایران کی ٹیموں کے درمیان ہوگا جب کہ دوسرے میچ میں میزبان قطر اور سینیگال ٹکرائیں گے۔
تیسرے میچ میں نیدر لینڈ اور ایکواڈور کی ٹیمیں آمنے سامنے ہوں گی۔ چوتھے میچ میں انگلینڈ کا مقابلہ امریکا سے ہوگا۔
یہ بھی پڑھیں: برازیل نے سربیا کو با آسانی شکست دے دی
میگا ایونٹ کے تمام میچز اے اسپورٹس اور اے آر وائی زیپ پر براہ راست دکھائے جا رہے ہیں۔
