ماسکو: فیفا ورلڈ کپ 2018 کے آج ہونے والے مقابلوں میں برازیل نے کانٹے دار مقابلے کے بعد کوسٹاریکا کو شکست دے دی، جب کہ نائیجریا نے آئس لینڈ کو ٹھکانے لگا دیا۔
تفصیلات کے مطابق روس میں منعقدہ فٹ بال کا عالمی میلہ اپنی تمام حشر سامانیوں کے ساتھ جاری ہے، اب تک کئی بڑے برج الٹ چکے ہیں۔
آج گروپ ای میں برازیل اور کرسٹاریکا اور گروپ ڈی میں نائیجیریا اور آئس لینڈ مدمقابل آئیں۔
اعصاب شکن مقابلے کے بعد برازیل کی فتح
آج ہونے والے پہلے میچ میں ٹورنامنٹ کی فیورٹ برازیل نے ایک سنسنی خیز، اعصاب شکن مقابلے کے بعد کرسٹاریکا کو شکست دی۔
میچ میں کوسٹاریکا نے شان دار دفاعی کھیل پیش کیا۔ 90 منٹ پورے ہونے تک برازیل کے اسٹار کھلاڑی گول داغنے میں ناکام رہے۔
اضافی وقت میں کرسٹاریکا کی دفاعی لائن میں دراڑ پڑی، آخر کار کوٹینہیو گول کرنے میں کامیاب رہے، چند منٹ بعد نیمارجونیئر نے گول کرکے برازیل کی فتح پر تصدیق کی مہر ثبت کر دی۔
فتح کے بعد برازیل اپنے گروپ میں ٹاپ پر آگیا، البتہ اب تک سیکنڈ راؤنڈ میں کوالیفائی کرنے والے ٹیموں کا تعین نہیں ہوا۔
نائیجیریا کی پہلی فتح
گروپ ڈی کے میچ میں نائیجیریا نے آئس لینڈ کو دو صفر سے شکست دے کر پہلی فتح اپنے نام کر لی.
میچ کا پہلا ہاف صفر صفر سے برابر رہا، مگر دوسرے ہاف میں نائیجیرین کھلاڑیوں نے عمدہ کھیل کا مظاہرہ کرتے ہوئے برتری حاصل کر لی، دونوں گول فارورڈ موسیٰ نے کیے۔ 
آئس لینڈ کے کھلاڑیوں کی متعدد کوششوں کے باوجود نائیجیریا کی برتری آخر تک برتری رہی، آئس لینڈ نے ایک پینالٹی بھی مس کی۔
واضح رہے کہ آئس لینڈ کی ٹیم ارجنٹینا سے اپنا اولین میچ برابر کرنے میں کامیاب رہی تھی، جب کہ نائیجیریا کو کروشیا کے ہاتھوں شکست کا سامنا کرنا پڑا تھا.
اس گروپ میں فقط کروشیا نے اب تک سیکنڈ راؤنڈ کے لیے کوالیفائی کیا ہے.
وہ واقعہ جس نے رونالڈو کی قسمت بدل دی
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
