فیفا ورلڈ‌ کپ 2018 کا بڑا اپ سیٹ، میکسیکو نے دفاعی چیمپین جرمنی کو ٹھکانے لگا دیا -
The news is by your side.

Advertisement

فیفا ورلڈ‌ کپ 2018 کا بڑا اپ سیٹ، میکسیکو نے دفاعی چیمپین جرمنی کو ٹھکانے لگا دیا

گروپ ای کے میچ میں سربیا نے کوسٹاریکا کو ایک صفر سے شکست دے دی

ماسکو: میکسیکو نے عالمی چیمپین جرمنی کو شکست دے کر فیفا ورلڈ کپ 2018 کا بڑا اپ سیٹ کر دیا۔

تفصیلات کے مطابق روس میں جاری فیفا ورلڈ کپ 2018 کے چوتھے روز عالمی چیمپین جرمنی اور میکسیکو کی ٹیمیں مدمقابل آئیں۔

ماہرین جرمنی کو فیورٹ قرار دے رہے تھے، مگر میکسیکو کی ’’انڈر ڈاگ‘‘ ٹیم نے جرمنی کو ٹھکانے لگا کر سب کو حیران کر دیا۔ میکسیکو کی جانب سے 35 ویں منٹ میں ہارونگ لوزینو نے خوب صورت گول داغ کر اپنی ٹیم کو برتری دلائی۔

واضح رہے کہ ماضی میں میکسیکو کے ساتھ ہونے والے 11 مقابلوں میں سے صرف ایک میں جرمنی کو شکست کا سامنا کرنا پڑا تھا۔

واضح رہے کہ سن 2014 میں بھی عالمی چیمپین اسپین کو اپنے پہلے میچ میں نیدرلینڈز کے ہاتھوں پانچ کے مقابلے میں ایک گول سے عبرت ناک شکست کا سامنا کرنا پڑا تھا۔

سربیا بہ مقابلہ کوسٹاریکا

قبل ازیں گروپ ای کے میچ میں سربیا نے کوسٹاریکا کو ایک صفر سے شکست دے دی۔

میچ میں کوسٹاریکا اور سربیا کی ٹیموں نے ایک دوسرے کی پوسٹ پر متواتر حملے کیے، 56 ویں منٹ میں سربیین کپتان الیگزینڈر کولاراو نے میچ کا اکلوتا گول اسکور کیا۔

الیگزینڈر کولاراو نے فری کک خوب صورت گول کرکے اپنی ٹیم کو برتری دلائی، جو میچ کے آخر تک قائم رہی۔

گروپ ای کے دیگر دو ٹیمیں برازیل اور سوئٹزرلینڈ آج ہونے والے آخری میچ میں مدمقابل ہوں گی۔ ماہرین سوئٹرزلینڈ سے اچھی مقابلے کی توقع کر رہے ہیں۔


فیفا ورلڈ کپ 2018: چیچن مداحوں‌ کا مصری سپراسٹار کے لیے انوکھا تحفہ


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں